Piper txorizeroak litro bat uretan murgilduz hasiko gara. Ordubete igaro ondoren, atera eta azala landuko dugu haragia edo mamia ateratzeko. 2 koilarakada beharko ditugu, gutxi gorabehera. Edozein supermerkatutan aurkitzen dugun piper txorizeroaren mamia ere erabil dezakegu.
Irineztatutako arkume-zatiak frijitu itzazu. Kolore ona dutenean, lapikotik atera eta erreserbatu egingo ditugu. Tomate bat, piper berde bat, bi tipula eta zortzi baratxuri hortz txikitu itzazu. Arkumea egin duzun lapiko berean, baratxuri-hortzak tipularekin egin itzazu, eta, egosita daudenean, txorizeroen mamia, tomatea eta ardoa gehitu itzazu, 15 minutuz, gutxi gorabehera, egosten utziz.
Ondoren, erreserbatuta duzun arkume-haragia eta ur pixka bat sartu ezazu, su motelean egosten utziz, beste 30 edo 40 minutuz. Saltsa probatu ondoren, gatza gehitu iezaiozu, zure gustura.
Errezeta entzuteko:
KREMAZKO KANUTILOAK:
OSAGAIAK:
Hodien masarako:
200 ml esne
200 ml txerri-gantz
300 g gari-irin, erabilera guztietarako
Pastelgintzako kremarako:
1/2 litro esne (500ml)
4 gorringo arrautza
125 g azukre
40 g maizena
Kanela-adar 1
PRESTAKETA:
Esne edalontzi bat gorde kremarako, eta gainerakoa sutan berotu, kanela-adaxkarekin batera. Irakiten hasten denean, jaitsi sua eta utzi bi edo hiru minutuz irakiten, esneak kanela-zaporea har dezan. Denbora hori igarota, kanela-adaxka kendu ezazu.
Bol batean, nahastu gordetako esnea maizenarekin batera, eta mugitu erabat disolbatu arte. Sartu azukrea eta 4 arrautzen gorringoak. Hagatxoekin ondo mugitu ezazu. Bota prestaketa hau esne berora eta, hagatxoarekin nahasteari utzi gabe, berotu loditu arte. Sua neurrizkoa izan behar da, krema erraz itsasten baita kazoaren hondoan. Krema loditzen denean, kendu ezazu sutatik.
Bota krema ontzi batera eta estali film garden batekin. Utzi hozkailutik kanpo hozten. Txerri-gantza (giro-tenperaturan) eta esnea bol batean nahastu itzazu. Gehitu irina pixkanaka, eta nahastu makila edo silikonazko koilara batekin. Nahastu ezazu masa homogeneo bat lortu arte. Masa bigun bat geratu behar zaizu, eskuetara itsasten ez dena.
Intxaur baten tamainako masa-bolatxoak egin itzazu eta plater baten gainean utzi itzazu. Plater horretan irin pixka bat hautseztatu ezazu. Egin itzazu bolatxoak masa guztiarekin. Zanpatu bolatxo bat irineztatutako lan-gainazalean, eta jarri kanutiloa gainean. Arrabol moduan borobildu, eta kontuz ibili zanpatutako bolatxoaren bi muturrak elkartzen direnean.
Oliba-olio ugari berotu ezazu zartagin batean, hodiak frijitzeko (nik litro erdi erabili dut, gutxi gorabehera). Olioa bero dagoenean, kanutiloak sartu itzazu. Ez dira oso itsatsita egon behar erraz manipulatu ahal izateko. Ondo frijitu itzazu eta gero paper xurgatzailea duen plater batera eraman.
Jarri pastelgintzako krema gozogintzako mahuka batean eta bete itzazu kanutiloak. Pastel-kremaz betetako kanutilak amaitu ondoren, glass azukre pixka batekin hornitu ditzazkezu.
