Nafarroa

BAKAILAOZ BETETAKO PIPERRAK

OSAGAIAK:

Piperrentzat:

20 pikillo piper oso
300 g bakailao gazi
Tipula handi 1
50 g gari irin
1/4 koilarakada intxaur muskatu (pittin bat)
2 arrautza handi eta irina (frijitu aurretik piperrak pasatzeko)
50 g gurin
500 ml esne oso

Saltsarako:

3 tipula
4 azenario
2 ogi xerra frijitu edo txigortu
Baso bat/2 ardo zuri
3 baso ur bero
Oliba-olio birjina estra leuna
gatza

JARRAIBIDEAK:

Piperrak prestatzea:

Lehenik eta behin, papurtu gatz gabeko bakailaoa eta gorde. Ondoren, tipula zuritu eta txikitu zati finetan zartagin batean, urtu gurina eta gehitu txikitutako tipula. Sukaldatu su ertainean, tipula gardena izan arte. Hurrengo pausoan, gehitu bakailao papurtua eta sukaldatu minutu batzuetan. Gero, gehitu irina eta intxaur muskatua, etengabe mugituz osagai guztiak ondo integra daitezen. Bota esnea pixkanaka, pikorrak saihesteko mugitzen jarraitzen duzun bitartean, sukaldatu nahasketa lodi bat lortu arte. Bete pikillo piperrak nahasketarekin eta itxi kontu handiz. Azkenik, pasatu piperrak irinetik eta arrautza irabiatutik frijitu zartagin batean olio beroarekin, gorritu arte, eta gorde.

Saltsa prestatzea:

Bigarrenik, zuritu eta moztu tipulak eta azenarioak zati txikietan. Zartagin batean oliba-olioarekin, sofritu tipulak eta azenarioak gorritu arte. Gehitu ogi frijitua edo txigortua eta nahastu ondo. Bota ardo zuria eta utzi alkohola lurruntzen. Gero, gehitu ur beroa eta su motelean barazkiak samurtu arte. Birrindu nahasketa saltsa homogeneo bat lortu arte. Azkenik, dastatu eta egokitu gatza zure gustuaren arabera.

Montajea:

Hirugarrenik, jarri piperrak plater batean. Bota saltsa piperren gainetik. Zerbitzatu bero eta gozatu plater zoragarri honekin!

Errezeta entzuteko:

TXOKOLATEZKO GARROTIKOAK

OSAGAIAK:

Txokolatezko kremarako:

250 g. estaldura-txokolatea zatitan moztuta. (VALOR edo NESTLÉ)
150 ml esne fresko oso
200 g. almendra-irin
50 g azukre

Txokolatezko garrotikoetarako:

Hostore angeluzuzeneko xafla bat, erditik ebakia luzeran
Arrautza irabiatu 1
50 g. almendra xerratuak

JARRAIBIDEA:

Txokolate-krema prestatzea:

Berotu kazola batean su ertainean esnea azukrearekin batera. Irakiten hasten denean, kendu sutatik, gehitu txokolatea eta hagaxka batekin oso ondo irabiatu, urtu arte. Sartu almendra irina, irabiatu koilara batekin gogor, bota txokolate krema bol ertain batean, estali film paperarekin eta gorde hozkailuan gerorarte.

Txokolatezko garrotikoak prestatzea:

Jarri hostorezko xafletako bat lan-mahaiaren gainean. Margotu arrautza irabiatuarekin eta zabaldu txokolatezko krema hostorearen behealdean, ertzetara iritsi gabe. Hostorea behealdetik zabalera biribilkatu behar da, eta txokolatezko krema barruan geratu behar da. Zanpatu zilindroa, margotu arrautza irabiatuarekin hostore betearen gainazala, hautseztatu almendra xerratu erdiarekin eta moztu 10 cm inguruko luzeran, labanarekin indarra eginez ertzak apur bat zapal daitezen. Errepikatu eragiketa hostorezko beste xafla erdiarekin, gainerako txokolatezko kremarekin eta gainerako almendra laminatuekin. Jarri garrotikoak paper begetalez forratutako labe-erretilu batean, eta laberatu 190º-tan 15 minutuz. Atera labetik eta gorde estali gabe giro-tenperaturan pixka bat hoztu arte. erretilu batean jarri garrotikoak eta mahaian jarri disfrutatzeko!